La educación prohibida

“La educación prohibida” izeneko bideoa ikusi ondoren, honen inguruko hausnarketari ekingo diogu; izan ere, hainbat eduki errepikatu egiten baditu ere, ondo etortzen zaigu kontzientziatzeko eta egoera nola alda genezakeen pentsarazteko. Esaten duenaren gehiengo batekin ados bagaude ere, gure iritzi pertsonala osatzen lagundu digu.

Berrikuntza, gogoeta

Igo dugun azken testuetan irakur dezakezuen bezala, gure aburuz, berrikuntza bat ematerakoan ebaluaketan oinarritu behar gara, guztiak bertatik abiatzen baitira. Izan ere, unitate didaktiko bat burutu eta ebaluatu ondoren, aldatu beharreko puntuak ikus ditzazkegu. Horrela, egokiak izan ez diren edo espero ez genituen emaitzen aurrean hausnartu eta zein aldaketa egin beharko liratekeen planteatuko genuke, modu honetan, berrikuntzak ezartzen direlarik. 

Berrikuntzak, sintesia

Testu hau irakurri ondoren, berrikuntzaren kontzeptua zabalagoa eta zehatzeago dugula esan genezake; izan ere, lehenengo atalean berrikuntzari buruz jaso dugun informazioa berria izan da guretzako. Alde batetik, berrikuntzaren barnean hainbat kontzeptu sartzen direla ikasi dugu, horien artean, planifikatzea, lantzea, diseinatzea, hausnartzea, ezartzea… Bestetik, proiektu hauek kolektiboak izan behar dutela. Hala ere, hainbat puntutan gure aurreiritziarekin bat egiten duela konturatu gara, adibidez, prozesu zail eta luzea dela eta rutinatik ateratzea beharrezkoa dela berrikuntza hauek aurrera eramateko.

Berrikuntza, aurrezagutza

Berrikuntza hitza denok ezagutzen dugun arren, hezkuntza esparruan definitzea zaila egiten zaigu; izan ere, ikuspuntu asko dituen kontzeptua da. Gure ustez, egunerokotasunetik atera eta aldaketak egitean datza. Beti ere, aldaketa hauen xede nagusia, egoera hobetzea izango delarik. Horretarako, ezinbestekoa izango da, egoerak aztertuz, ebaluazioak era egoki eta zehatz batean burutzea, bertan ikusiko baititugu hobeto beharreko esparruak. Hobetu beharrekoaren jabe garelarik, honen inguruan hausnartu eta berrikuntzak ezarri beharko dira, beraz, oso prozesu luzea dela esan dezakegu.

HAUSNARKETA

     Gure ustez, gaurko klasean irakurritako txostena ulertu zaila zenez, bakoitzak esaldi bat aukeratu eta besteen aurrean azalduz errazago ulertzeko egin dugu. Beraz, helburu nagusia denek parte hartuz testua ulertzea izan da, ondoren ondorioak atera ahal izateko.

¡SAQUEN EL LIBRO DE TEXTO!

     Txosten hau irakurri ondoren, deigarriak egin zaizkigun hainbat esaldi aukeratu ditugu ondorioak atera ahal izateko. Hasteko, iraskasle batek etengabeko formakuntza izan behar duela uste dugu, horri esker gure ezagutza maila altuagoa izango baita. Gainera, ezagutza hauek  ez dute irakaslearengan bakarrik eragina izango, haurrei ere transmitituko baitie. Modu honetan, irakasleak segurtasuna  eta konfiantza izango du ikasgelan alderak eta gauza berriak egiteko. Adibidez, irakasleak gelako egoera aztertu, egoera txarretatik ondorioak atera eta segurtasunarekin aldaerak egin ditzazke. Beraz, gure ustez, irakaskuntzan etengabeko formakuntza eta rutinatik ateratzea ezinbestekoa da.

Aurreiritzia

            Eskola batera ordezkapen bat egitera joaterakoan, tokatuko zaigun taldearen informazioaren berri izateaz gain, programazioari buruzko informazioa edukitzea ere ezinbestekoa dela iruditzen zaigu; izan ere, informazio honek gure eginbeharrekoa hobeto egiten lagunduko digu. Alde batetik, seguruago sentituko garelako gure taldearen informazioaren berri izanik, nola jokatu jakingo dugulako eta bestetik, haurrek ahalik eta aldaketa txikiena sentitzeko.

10 IRUDIAK

Curriculum ezkutu eta errealaren gaiari helduz berriro, ondorengo komik edo irudi hauek aztertu ditugu eta adierazi nahi diguten mezuaren inguruan hausnartu dugu. 

Haur Hezkuntzako eta Oinarrizko Hezkuntzako Curriculuma

Haur Eta Oinarrizko Hezkuntzako Curriculuma by xakixi

Paulo Freire

Paulo Freire (1921-1997) XX.mendeko pedagogo garrantzitsu bat izan zen. Garai hartako diktaduraren ondorioz, emigratu behar izan zuen; izan ere, bere ideiak ez zetozen gizartearekin bat. Gainera, alfabetatze metodoaz gain, Hezkuntza Popularraren sortzailea izan zen eta aipatzekoa da, pedagogia kritikoaren hainbat ekarpen ere egin zituela.

Bere esaldi honi dagokionez “HEZKUNTZAK EZ DU MUNDUA ALDATUKO, BAINA MUNDUA ALDATUKO DUTEN GIZAKIAK FORMATUKO DITU”. Honen inguruan, esan dezakegu, hezkuntzak gizakiak aldatuko dituela eta ondoren, gizakien esku dagoela mundua aldatzea. Beraz, gure ustetan, garrantzi handia dauka gizakiak duen formakuntzak, hauen menpe baitago gure etorkizuna.

Hezkuntza sistemaren bilakaera historian zehar

aurkezpenen sintesia by xakixi

Curriculumaren sintesia

          Hezkuntzan hain garrantzitsua den curriculumaren inguruan esan dezakegu, heziketa prozesua bere baitan dagoela, hau da, ordutegia, metogologia, ebaluaketa, antolaketa etabar baldintzatzen dituela. Hala ere, bi motataz mintzatuko gara; batetik, ezkutua, non, inkontzienteki transmititzen ditugun baloreak diren eta bestetik, erreala. Azken honetan legeak ezartzen dituen edukiak sartzen dira. Askotan betebeharrak betetzea ez da lan erraza izango, ikaslearen beharretara egokitu beharko baitugu, horretarako metodologia ezberdinak erabiltzen saiatuko gara baina azkena aldatu beharrekoa beti helburua izango da.

Haur Hezkuntzako oroitzapena

Taldeko partaide guztiok, gure objetuaren inguruko hausnarketa burutu eta gure artean partekatu ondoren, hainbat ondorio atera ditugu.

Haur Hezkuntzan, edukiak inkonzienteki ikasten ditugu, hau da, Amaiaren kasuan, plastilinaren bidez, formak, koloreak, etabar ikasten dituztelarik. Berdina gertatzen da, txontxongiloekin (Yone); izan ere, hauen bidez, rolak eta balioak barneratzen dira, besteak beste.

Bestalde, komunikazioa lantzea beharrezkoa da, horrela, umeak, hizkuntza ikasten hasten da. Horretarako, tresna ezberdinez baliatzen dira,  adibidez, Nahikarik aukeratutako objetuaren bitartez ikus daiteke komunikazioa sustatzen dela (argazki liburu bat).

Haur Hezkuntzan barneratzen diren edukien artean, koloreak aipatu ditugu eta horien adibide dugu Zuriñek hautatutako objetua. Margoen bitartez, koloreak ikasteaz gain, elkarlana sustatu daitekeelarik.

 

Haur Hezkuntzako dekretuaren sintesia

            2010.urtean idatzi zuten dekretua hau, Hezkuntza, Unibertsitate eta Ikerketa Sailak, 2009an idatzita zegoen dekretuaren hainbat zati aldatzeko asmoarekin; izan ere, aldaketa hauen xede nagusia, elebitasun integratzailea lortzea zen. Dekretu hau, hiru zatitan banatzen da, alde batetik sarrera, jarraian, dekretuaren atalak eta bukatzeko hiru eranskin ditu. Bestalde, haur hezkuntzaren helburuak eta ikastetxe batek bete behar dituzten arauak aipatzeaz gain, hizkuntza, adierazpena, metodologia eta beste hainbat esparru legeztatzen ditu. Horien artean, Haur Hezkuntza, bi zikloetan bereizita dagoela, 0-3 urte bitartean, lehengoa eta bigarrena 3-6 urte bitartean.

Max eta Javi testuaren sintesia

      Hasieran, ikaskuntza prozesua hastean, etengabe esperimentatuz eta interesarekin norbanakoa formatzen joaten da. Bere beharrei aurre egiteko gaitasuna duen momentuan, interesa galdu eta rutina batean erortzeko joera dugu. Baina, irakasle garen momentuan, ezin dugu ahaztu ingurunean etengabeko aldaketak ematen direla eta ondorioz, formakuntza eguneratu bat edukitzea ezinbestekoa dela aldaketa hauetara egokitzeko. Formakuntza eguneratu hau bideratzeko erarik egokienetako bat autodidaktismoa dugularik

. 

Aurkezpena

Kaixo guztioi!

Gu, Zuriñe, Nahikari, Amaia eta Yone gara eta Euskal Herriko Unibertsitateko magisteritzako lehengo mailan gaude. Donostiako campusean Haur Hezkuntzako gradua egiten ari garenez, blog hau sortu dugu didaktikaren inguruko gure lanak igotzeko. Lan hauen artean, besteak beste, irakurritako testuen hausnarketak, dekretuen sintesiak, landutako edukiei buruzko informazioa, iritziak etabar irakurtzeko aukera izango duzue.

Gustora irakurriko duzuelakoan.

Agur bero bat.