Aurreiritzia

            Eskola batera ordezkapen bat egitera joaterakoan, tokatuko zaigun taldearen informazioaren berri izateaz gain, programazioari buruzko informazioa edukitzea ere ezinbestekoa dela iruditzen zaigu; izan ere, informazio honek gure eginbeharrekoa hobeto egiten lagunduko digu. Alde batetik, seguruago sentituko garelako gure taldearen informazioaren berri izanik, nola jokatu jakingo dugulako eta bestetik, haurrek ahalik eta aldaketa txikiena sentitzeko.

            Programazioari esker, alde batetik kurtso osorako plangintzaren berri izan dezakegu, beraz, ordezkapena egin aurretik eman duten materia eta emateko dutenaren berri izango genuke. Bestalde, gutxi gorabehera gure ordezkapenak iraungo duen tartean egin beharko dituzten ariketen berri ere izango genuke. Beraz, programazio egoki batetaz baliatzeko aukera badu ordezkariak, oinarri eta abiapuntu egoki bat izango du bere lana hobeto burutzeko.

            Bestalde, haur bakoitzari buruzko txosten bat izatea baliagarria izan daiteke, haur taldea ezezaguna baita eta askotan, ordezkapena bukatzerako ere ez baititugu haurrak ongi ezagutuko. Beraz, beraien egunerokotasuna gutxiago aldatzeko, haiei buruzko informazioa eta eboluzioa jakitea oso baliogarria litzateke. Honen jarraian, irakasle ordezkariak, irakasle titularraren metodo berdinak jarraitzea komeni dela uste dugu; izan ere, irakasle ezberdina edukitzea, ikasleentzako aldaketa handi bat da eta gainera, metodologia ezberdina erabiltzen badute, zer esanik ez. Hau da, irakasle titularrak adibideak erabiliz egiten badu eta ordezkoak teorikoki, haurrentzat zaila izango da ulertzea eta horrenbestez, metodo berdina jarraitzea komenigarria dela uste dugu. Honez gain, aipatu beharra daukagu, irakasleak ordezkariari ematen dizkion informe eta programazioa oso baliagarria den bezala, ordezkariak ere, ordezkapena bukatzean, irakasleari gertaeren, ebaluazioaren eta burututako programazioaren berri emateak ere bere garrantzia duela; izan ere, programazio ofizialaren eta burututakoa askotan ez dira berdinak izaten.