Haur Hezkuntzako dekretuaren sintesia

            2010.urtean idatzi zuten dekretua hau, Hezkuntza, Unibertsitate eta Ikerketa Sailak, 2009an idatzita zegoen dekretuaren hainbat zati aldatzeko asmoarekin; izan ere, aldaketa hauen xede nagusia, elebitasun integratzailea lortzea zen. Dekretu hau, hiru zatitan banatzen da, alde batetik sarrera, jarraian, dekretuaren atalak eta bukatzeko hiru eranskin ditu. Bestalde, haur hezkuntzaren helburuak eta ikastetxe batek bete behar dituzten arauak aipatzeaz gain, hizkuntza, adierazpena, metodologia eta beste hainbat esparru legeztatzen ditu. Horien artean, Haur Hezkuntza, bi zikloetan bereizita dagoela, 0-3 urte bitartean, lehengoa eta bigarrena 3-6 urte bitartean.

            Hasteko, dekretu honen arabera, Haur Hezkuntzaren helburu nagusia haurren garapen fisikoan, afektiboan, sozialean eta intelektualean laguntzea da. Bestalde aipatzen du, etapa honek, nork bere buruaren ezagutza eta kontrola lortzeaz gain, banakoaren garapen pertsonalerako eta sozialerako oinarriak jartzen lagundu beharko luke. Bestalde, atxikimenduko irudi bat izatea ere garrantzitsua da; izan ere, lotura horrek segurtasuna emango dio haurrari. Adin honetan, nortasun pertsonala eraikitzen da; hau, inguruan dituztenek, erakusten dioten irudiaren barneratzea izaten da.

            Bestalde, lehen esan dugun bezala, dekrektu honen xede nagusia, elebitasun integratzailea lortzea denez eta Euskal Autonomi Erkidegoan euskara eta gaztelera hizkuntza ofizialak direnez, Haur Hezkuntzan, bi hizkuntza hauekin familiarizatzen hasi behar dute. Gainera, hizkuntzaren helburu nagusia banakakoaren eta ingurunearen arteko harremanak zabaltzen laguntzea da eta hizkuntzak, barneko eta kanpoko munduaren arteko lotura direla ezin dezakegu ahaztu. Hasierako hizkuntza, gorputz eta keinuen bidezkoa da, horiekin, oinarrizko beharrak asetzen dituzte. Gero, hizkuntza guztiak, hau da, hitzezkoa, artistikoa, gorputzezkoa, ikus-entzunezkoa eta informazioaren eta komunikazioaren teknologiarena garatzera pasatzen dira. Gainera, hizkuntzak aukera ematen du nork bere nortasuna finkatzeko eta sentimenduak adierazteko. Komunikazioarekin bukatzeko, aipagarria da, kultura transmititzeko tresna baliagarrienetako bat dela eta teknologiaren aurrerapausoa kontutan hartuz, Haur Hezkuntzan ere, tresna hau baliatzen dute irakaskuntza errazteko.

            Bukatzeko, eranskinetan beste hainbat esparru lantzen ditu, adibidez, ebaluazio irizpideak, orientabide metodologikoak eta jolasen garrantzia. Jolasari dagokionez, etapa honetako haurren garapenaren dimentsio guztiak lotzen ditu; izan ere, hauen bidez, errespetua, interesa, parte hartzea, motibazioa eta elkarlana lantzen dira.